时间： 八十年代末，某天早上；
地点： 老佛山城区，某户普通家庭；
人物： 老豆――50多岁，老佛山城区（今祖庙街道）居民；
阿莲――20多岁，老豆的媳妇；
阿诚――30岁左右，老豆的儿子；
阿达――30岁左右，阿诚的表哥，居住香港。
[幕启，音乐起。
[老豆开心地拿相薄上，放在台面，又整理一下花瓶，接着四处张望，继而向房内喊。
老豆 阿莲啊，间房你执好未啊。
[阿莲拿着老豆专用的茶杯上
阿莲 阿爸啊，执好晒啦，连地都拖埋啦。你忙成朝，休息下先啦，饮啖参茶先（递茶）。
老豆 都你国营单位做好，有好福利，带挈老豆饮参茶。（喝了一口）唔得，我去睇下汤得未先得。
阿莲 阿爸啊，今日系香港的表哥之嘛，使唔使紧张啊？
老豆 乜唔紧张啊。呢个阿达上次番阵，你都仲未嫁入门，我同阿诚仲住响旧屋庶咧，所以你唔知多咖啦。呢个表哥出世阵，阿爸阿妈都香港“搏杀”紧，唔得闲凑，所以就带佛山俾我照顾，所以同我阿诚自细就一齐玩咖嘞，到五岁先番香港。阿达又真几有我心咖，隔几年（无耐）就番探我一次，次次都带好多香港好俾我咖，又有衫又有食。人对我好，我点可以求其。
阿莲 系，唔可以求其，等我抹埋张台先啦。
老豆 系嘞，今日你留屋企执屋，阿诚又去接阿达，同单位请假未咖？
阿莲 （随口地）几时开工我话事。
老豆 乜话？
阿莲 （自知失语，忙解释）我系话……我同单位领导关系都几好，请一日半日假乜问题。
老豆 又啊，你都评上“先进工作者”，肯定乜都易话围啦。街坊知道，我个仔同新抱公司度“双职工”，待遇好，都唔知几羡慕啊。还过楼上阿林姨都唔知系唔系妒忌我，竟然话见到你同阿诚帮人做车衫啊……
阿莲 吓？（吓得把桌上的花瓶打番）
老豆 做乜“论尽”啊？
阿莲 阿爸啊，车衫未车衫，有乜所谓唧。
老豆 乜所谓啊，你明明系堂堂国营单位正式职工咖嘛，竟然俾话到你系街边地痞！
阿莲 个体户都系正经钱，乜唔见得人格。行行出状元吖嘛。
老豆 人话紧你，你仲帮住外人教训我？
阿莲 唔系唔系。啊，我去睇下汤先。
老豆 啊，系，捞一捞啊，得就落盐喇。
[阿诚拉着皮箱进，阿达随其后上。
阿诚 老豆，表哥啦。
老豆 阿达！
阿达 舅父！见耐，仲系有福相。
老豆 见耐，仲系识卖口乖！阿达啊，你都辛苦咖啦，快坐低先。
阿达 哇，条祖庙路靓左甘多，差认唔到，好在有阿诚带路。
老豆 系啊，家下佛山变化好大了，阿莲，斟杯茶俾表哥啦。
[阿莲捧着茶壶出
老豆 ，阿诚个老婆，我新抱――阿莲。
阿莲 饮茶，表哥。
阿达 thank you，人就第一次见，相就见得多了，阿诚真系本事，娶到个好老婆。
老豆 有乜
本事吖，好在两个国有企业 “双职工”，都算有保障啦。阿达 乜叫“双职工”啊？
老豆 两个同一个单位度做，一齐享受单位福利，咧，呢间屋都系单位分嗟嘛，仲单位“先进工作者”啊，（指着墙上两个奖状），呢两张奖状，一人一张。街坊都几羡慕咖！
阿达 舅父，你呢间屋系香港算豪宅啦，你家下真系安落晒咯。
老豆 （笑到见牙吾见眼）算系啦。
[此时，阿诚忙上前同老豆斟茶
阿诚 老豆，你口干了，饮啖茶先，（压低声音）老豆啊，呢唔好成日出讲喇。
老豆 做乜唧，好失礼咩，难得阿达一次我屋企，梗系要讲多喇。
阿达 呢，两个公司度做乜咖？
老豆 （顺口地）行行企企，做下经理之嘛。
阿达 哇，真好本事！
老豆 算得乜吖，饮茶！
阿莲 （将阿诚拉到一边悄声地）你老豆越作越大啦！
阿诚 你就由威下啦。
老豆 嘞，你一场到，少少意思，不成敬意。（拿出一个塑料袋，递到阿达跟前），有你最钟意盲公饼同西樵大饼。番香港俾街坊朋友试下。
阿达 哇，最钟意食饼咖嘞，多谢晒。礼尚往来，我都有俾舅父你咖。（从行李中拿出一些杯面）呢“公仔面”，呢度得买咖。（又拿出几件“太空褛”）呢太空褛，我厂货版咖，都几好着咖。（还拿出几件衣服）仲有呢，我间厂货版咖，唔知阿诚同阿莲钟唔钟意。
老豆 哎呀，过坐下，食餐饭未算，使乜客气啊？阿达阿莲，过睇下衫唔着！
阿莲 （喜滋滋地上前去接过衣服）哇，布料又真唔同咖。（情不自禁地在身上试了试衣服）
阿达 阿莲，你呢件呢绒布做咖。
阿莲 呢绒？边度入货咖？贵唔贵咖？有销大陆咖？
老豆 阿莲，做乜一轮嘴问多啊？
阿诚 ，都八卦，乜特别意思咖。
阿莲 （口直心快）唔啊，我想问下有得度料……
阿诚 料……料……了解下就算啦，唔好阻住表哥同老豆倾谒啦！（打眼色）讲要有分寸咖嘛。
阿达 唔紧要，都问一句。呢布香港货会易，我都唔知大陆有门路到咖。
阿莲 （开心地自言自语）如果到呢只布做衫，唔忧得做啊！
老豆 （敏感地）乜话？
[阿达捏了阿莲一下，阿莲惨叫一声。
老豆 做乜啊？
阿诚 ，俾蚁咬亲。莲，见痛就番入房啦！
阿莲 咩唧？我想度同表哥倾多两句啊，你呷醋啊？
老豆 阿莲，你头先讲乜唔忧得做话？
阿诚 讲紧表哥生意啊。（急忙转移话题）啊，呢件恤衫唔俾老豆咖？
阿达 ，都我厂出咖，我谂一定舅父。舅父你试下？
老豆 好，好！（把衣服往身上一穿，用力过猛，破了个大口子）
阿达 哎呀，唔好意思，阵仲好地地咖，我都唔知会。
阿莲 （看了看另外几件衣服）呢几件衫，布料就够晒时麾啦，不过车工好似嘛嘛。
阿诚 送俾你仲多声气。
阿莲 （有点尴尬）唔好意思啊表哥，我份人好直咖，有句就讲句咖啦。
阿诚 你仲讲？
老豆 （打破尴尬局面）阿达啊，我俾相你睇吖，两个“先进工作者”阵影咖。
阿达 威啊？就真要睇睇啦。
[老豆和阿达坐下来看照片。
[阿莲把阿诚拉到一边。
阿莲 老公，快行动啦。
阿达 行咩动啊？
阿莲 你见唔见到表哥带呢度料几靓啊？我想问要货啊，靓料，加埋我好手工，有
